Dinhmun hlauhawm ah Champhai ding

Get real time updates directly on you device, subscribe now.

Champhai DVO Dr. B Zonghinga chuan African Swine Fever lakah Champhai District chu dinhmun hlauhawm takah a ding mek tih a sawi.
DVO Dr. B Zonghinga chuan, Vawk natna vei za a zain an thihpui, Mizoram hmun danga leng mek, African Swine Fever chu Champhai District lo lut mai thei dinhmunah a din avangin Champhai chu dinhmun hlauhawm takah a ding mek tih a sawi a. Hetihlai hian mipuiin sawrkar thuchhuak an zawm that chuan ASF lakah Champhai a him thei tih a sawi bawk.
DVO chuan, Mizoramah ASF hmuhchhuah a nih hnu pawhin Myanmar atangin Vawk lakluh a la ni reng tih sawiin, April ni 16-ah dan lova vawk lakluh man a la nih thu a sawi a. Champhai District chhungah Vawk 16,054 vulh mekte hian he hripui hi an kai palh a nih chuan kan hloh tur hi Rs. Vaibelchhe tel a nih thusawiin, ASF chu fimkhur taka hmachhawn turin Champhai mipui a chah bawk. AH&Vety Dept Champhai chhinchhiah danin Undivided Champhai District chhungah Kum 2019-2020 chhungin dan lova ram dang atanga vawk lakluh 125 man a ni a, heng zinga. 50 chuan PRRS an vei tih hmuh chhuah niin kahhlum a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More