Champhai Dinthar Veng VC by Election neih tura atana Final Electoral Roll chu nimin khan tlangzarh a ni.
State Election Commission thuchhuah angin Champhai Dinthar VC byelection neih tur a ni a. Hemi atana inpuahchahna kal zelah nimin chawhma dar 10:00 khan District Election Officer, James Lalrinchhana chuan Champhai Dinthar VC by-election final electoral rolls, 2022 chu DC Conference Hall-ah a tlangzarh a, bu hnih theuh political party aiawh leh NGO hruaitute hnenah a hlan nghal a ni.
District Election Officer James Lalrinchhana chuan final roll felfai leh tha tak, roll punna pawh danin a pawm chin peihfel a ni chuan dik leh felfai taka kalpui a nihzia a tarlang a ni, a ti a. Khawtlang rorelnaa a hnarkaitu bulpui ber VC thlanna tura pawimawh tak, VC electoral roll chu ngaihpawimawh a tul thu sawiin, Electoral roll-te chu mipui thlan Sawrkar, democracy bultanna leh ngelnghet taka din a nih theihna kawnga tangkai tak a ni a. Danin vote nei thei tura Champhai Dinthar Veng VC by-Election neih tura atana Final Electoral Roll tlangzarh a tihte electoral roll-a an chuan ngei theih nan leh electoral roll dik, felfai leh thianghlim tak vawn a nih theih nan kan zavaia thawhho a tul a ni, a ti bawk.
Assistant District Election Officer Lalnunfela Chawngthu hnen atangin final roll tlangpui ngaihthlak a ni a. Final electoral roll tlangzarh a nih hnuah VC by-election neih hun tur chungchangah State Election Commission atanga thuchhuah ngaihchan a nih thu a sawi bawk.
Nimina Champhai Dinthar Veng final electoral roll tlangzarh takin a tarlan dan chuan, tun dinhmunah
Champhai Dinthar Vengah hian vote nei mi 652 an awm a. Heng zinga 292 hi mipa niin, a dang 360 te chu hmeichhia an ni a; hmeichhe vote nei hi 68 in an tam zawk a ni.
Champhai Dinthar Veng ah hian VC seat 5; General seat 4 leh Reserved seat 1 a awm a. VC member
pakhat, General seat atanga thlan tlin chu a ban tak avangin he seat bik hnawhkhat tur hian inthlan
buatsaih tur a ni.
Comments are closed.