District Treasury Office Building hawng

Get real time updates directly on you device, subscribe now.

State Priority Project(SPP) kaltlanga Cheng Nuai 142 senga sak District Treasury Office Building, Champhai Vengthar a mi chu nimin khan Law & Judicial Minister TJ Lalnuntluanga’n a hawng.
Khuallian TJ Lalnuntluanga chuan, state sum leh pai che vel vawngtu leh innghahna pawimawh tak District Treasury Office thar hawn a ni chu lawmawm a tih thu sawiin, Finance department changtu Chief Minister-in duhsakna a hlan thu a sawi a.
Ministry hmasa atanga hmalakna lo awm tawh chhunzawma a taka tihhlawhtlin a ni chuan ram
kalphung tur dik tak a tarlang a ni, a ti. Treasury chu sawrkar economy inghahna, sawrkar pawisa vawnga mamawh ang tawk zela pe chhuaktu leh bank-te nena inthlunzawm an nih avangin a pawimawh hle a,
sawrkar hnathawh bik chauh tan ni lovin mipui tana rawngbawltu tangkai tak a ni, a ti a. Sum pai enkawl a dik chuan sawrkar sum dinhmun a nghing ngai dawn lo a ni tiin, District Treasury Office Champhai chu changtlung zawka kalpui a nih theihna tur leh mipui tana malsawmna ni turin duhsakna a hlan nghal a ni.
H&FW Board vice chairman Dr. ZR Thiamsanga, MLA chuan District Treasury Office thar hawn a ni chu Champhai district tana bung thar kaina a ni, a ti a. Dawrtu ngah tak an nih avangin thawktute dawhthei taka awm turin a chah.
District Bawrhsap Maria CT Zuali chuan sawrkar sumte a nihna ang taka hman a tul tih sawiin, sawrkar chu mipui an nih angin an tana theihtawp chhuah tur kan ni, a ti a. Ram rawngbawlna thinlung pu a uluk leh fimkhur taka thawk turin a chah a ni. Hawnna hun hi H.Vanlalhuma MFAS, Chief Controller of Accounts, Accounts & Treasuries chuan a kaihruai a. Treasury Office hi Champhaiah kum 1981 khan Sub-Treasury Office ti a bul tan a ni a. Kum 2007 khan District Treasury Office-a hlankai niin, tunah hian an hnuaiah pensioner 1460 an inziaklut a, DDO 65 vel hnuaia thawktu te’n anmahni kaltlang hian hlawh an la mek.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More