Transport Minister TJ Lalnuntluanga chuan nimin zing khan Champhai Dawrkaikawna District Transport Officer Office tlawhin, Building hlui chhe tawh tak an luah mek lai sak that dan tur a hmunah a en.
Champhai DTO Office hi a hluiin a chhe tawh hle a, luah tlak tawh lova ngaih a nih avangin Disaster Management Authority atangin thiat tura thutlukna siam a ni tawh a. Hetih lai hian Office hmunhma zau zawk, tualzawla lirthei tam zawk hun theihna leh lirthei lian tan pawha pan remchang zawk awm theihna tur hmun dangte dapa nasa taka zawn a ni a. Hmun remchang dang hi hmuh mai theih a nih tak rih loh avangin tuna a awmna hmun ngaiah hian a building awmsa thiata sak that leh turin ruahmana ni ta niin thu dawn’a ni.
Minister TJ.Lalnuntluanga hi R. Lalnunkimi, DTO leha Staff ten lo dawngsawng in, Champhai DTO Office in Pollution test an kalpui mekah Petrol Engine chauh an test theih thu leh Diesel engine test thei tura an mamawh leh thildang an harsatna neihte a hnenah an lo thlen bawk. Minister hi Khawtlang leh Party hruaitu ten an tawiawm a ni.
A bial fanga Champhai chamchilh mektu, Law & Judicial Minister ni bawk TJ Lalnuntluanga chuan nimin zing vek khan Champhaia PWD hotute kawmin Department hmachhawp leh Champhai leh a chheh vela hmasawnna hrang hrang a sawipui a. Minister leh PWD hotute chuan Champhai khawpui leh a chheh vela kawng cheithat ngai zualte siamtha turin theihtawp chhuah nise, an ti a. Champhai South MLA LAD Fund hmanga Vengthar atanga Zote panna kawng laih zauh tawh, black-topping tura chak taka hmalak dan tur te, Electric Veng kawng leh Vety Department panna kawng cheithat dan turte chu ngaih pawimawh hmasaa neih ni se tiin an sawiho a. Champhai Kanan Veng huam chhung, Vengthlang nena inkalpawhna kawngpui chhak leimin/chetna hmun leh Lersia field lei che dawl that dan tur pawh tihpuitlin thuai a nih theihna tura hmalak zui zel dan turte arni sawiho nghal bawk.
Comments are closed.