Govt. Champhai College Eco Club-te chuan nimin khan Earth Day pualin hun an hmang.
Mizoram Nation Control Board hnuaiah kum 2017 atangin Govt Champhai College-ah Eco Club hi din tan niin Earth Day pual hian hun an hmang thin a. Kumin Earth day pawh hi kum dang anga hman tumin Programme ruahman ni mah se, Covid-19 hripui leng vanga Sawrkarin Inkaihhruaina thar a tih chhuah leh tak avangin, ruahman angin hun hman theih a ni lo va, Earth Day pual hian Thawhtanni khan Govt Champhai College Campus-ah Hruivankai tiak 500 an phun a. Thawhlehni-a Catch the Rain Campaign kal tlanga Govt Champhai College-a Seminar buatsaih-ah Champhai Bawrhsapin a sawm angin Eco Club te hian, Ruahtui khawl dan chi hrang hrang a lem nen an entir bawk.
Govt. Champhai College Eco Club-te hian Earth Day pual hian, Inter District Essay Writing Competition leh Drawing Competition te an buatsaih thin a. Earth Day theme milin awareness Campaign an hmang thin bawk a. National Nature Camp Programme hnuaiah Nature Camp an neih thin bakah kumtin Champhai Nature Conservancy nena tangkawpin Champhai hmun hrang hrangah Tlaizawng an phun thin bawk.
Comments are closed.