ENTU MIPUI MIT TLAI

CDFA buatsaih Independence Day Football Tournament khelh mek semi-final chu vawiin hian Chhangphut Field-ah khelh a ni dawn ta.
Vengthlang FC vs Kanan FC :
Vawiin semi-final inkhel hmasa zawk hi chhun dar 12:15 ah khelh tan tura ruahman a ni a. Pool A a khelh 2 atanga point 4 hlawh chhuak thei Vengthlang FC leh Pool B atanga khelh 2-a point 3 hlawh chhuaka an Pool-a 2-na Kanan FC an inkhel dawn.
Vengthlang FC hian Pool match an khelhah Vengthlang North FC chu 4-1 in an hneh a. An match hnihnaah Bethel FC nen 1-1 in an inhnehtawk thung a. Kanan FC hi an inkhek hmasa berah TMFC Melbuk lakah 3-1 in an tlawm hnuah, Venglai FC nen inkhelin, Kanan FC hi 3-0 a chaka puan an ni a. Vawiin hian team pahnihte hian final luh an inchuh dawn a ni.
TMFC vs Bethel FC :
Vawiin chawhnu dar 2:30 ah TMFC Melbuk leh Bethel FC ten final luh an inchuh dawn bawk a. TMFC hian an Pool match-ah chak ve ve in tun tum tournament-a tum hnih chak zawn thei awmchhun an ni a. Bethel FC hian an Pool match ah an bitum te nen hian an inhnehtawk ve ve thung.
TMFC Melbuk hian an match hmasa berah Venglai chu si khat faiin an hneh a, hemi hnu hian Kanan FC chu 3-1 a hneh zui lehin point 6 neiin Pool B champion an ni a. Bethel FC hian Vengthlang North FC nen 1-1 a an inhnehtawk hnuah Vengthlang FC nen 1-1 bawkin an inhnehtawk zui leh a; khelh 2 atanga point 2 hlawh chhuakin, Pool A-a pahnihn niin semi final hi an inhlangkai a ni.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More