Mizoram leh Cachar hmun thenkhat huap, Diocese Catholic Hmeichhe Pawl Inkhawpui vawi 6-na chu Pathianni zan thleng awh turin Champhai Holy Cross Church-ah neih mek a ni.
Inkhawmpui-ah hian Speaker pathum : Rev Fr. James Zodinliana, Rev Fr. Jerome Vungbiakdika, Rev Fr Raymond L.Ralte OFM leh Rev Fr. Gabriel Vanmalsawma te hnen atangin thuchah ngaihthlak thin a ni ang. Nizan hmasa khan pandal hlana pualin inkhawm an buatsaih a, nimin khan chhawng thumin inkhawmpui an hmang chhunzawm leh bawk a.
Vawiin chawhnu hian inkhawpui rorel neiin, Pathianni-ah Eucharistic Procession chu Champhai khawpui chhungah an nei dawn a ni.
DCHP inkhawpui hi Most Rev Stephen Rotluanga, Bishop of Aizawl chuan a
hmanpui dawn a. He inkhawmpuiah hian Champhai khawpui chhunga (Kohhran bik thliar lovin) fa 10 nei chin nu mi 24 te chawimawina an hlan dawn a. An chawimawi tur zingah hian Pi Vanrammawii, Champhai Zion Veng chu fa nei tam ber niin fa 14 a nei a.
Inkhawmpui pualin Myanmar atanga raltlante hnenah tanpuina an pe dawn bawk a ni. DCHP inkhawmpuiah hian nimin chawhma thleng khan palai 1000 vel an thleng tawh a. Kawng chhia avanga tangkhang palai hi an la thlen belh zel a ni.
Comments are closed.