BMMU, MzSRLM Champhai RD Block leh PHE Department Champhai tangkawpin N.Khawbung Community Hall ah Azadi Ka Amrit Mahotsav – Celeberation of World Toilet Day and Sanitation Week hman a ni.
Block Mission Manager (MzSRLM Champhai Rd Block) HS. Lalrinmawia kaihhruaiah hian Khuallian R.Lalnunkimi, District Urban Development Officer chuan thu sawiin, khaw fai, hrisel leh thianghlim ni tur chuan a khaw neitute rilru inpeih hmasak phawt a ngai, a ti a. Khawtlang hruaitute leh mipui kan tanrual phawt chuan hma kan sawn dawn a ni tiin tanrualpuiah a sawm a ni.
2021 World Toilet Day Theme “Valuing Toilet” tih chu Julie C.Mawii, District Coordinator Swatch Bharat Mission Gramin Champhai District in sawm zauin, ek in tha neih a pawimawhna te, Champhai District dinhmun leh hmasawn zelna tur te a sawi a. Faina chungchangah mitin ten mawhphurhna kan neih thu leh mahni in leh a vel te vawng fai theuh turin kalkhawmte chu a chah bawk.
N. Khawbung Sanitation Committee atangin khawchhung Sanitation chungchanga hma an lo lak tawhna te leh an hmachhawpte bakah fuihna thu tha tak takte ngaihthlak a ni bawk.
He hunah hian N. Khawbung Self Help Group te leh NGO hrang hrang hruaitute kalkhawmin hlawk taka hun hman a ni.
Comments are closed.