FAINA HAPTA HMAN DAN TUR

Get real time updates directly on you device, subscribe now.

Tunkar Inrinni atanga chawlhkar khat chhung, ‘Faina – Kan in leh a chhehvel atangin’ tih thupui hmanga Faina Hapta hman dan tur relin, nimin khan District hrang hranga Cleanliness Week Committee an thukhawm.
Champhaiah chuan District Level Cleanliness Week Celebration Committee (DLCWCC), chu an Chairman, Maria CT Zuali hova thukhawmin, Mizoram Cleanliness Week Action Plan duan mila faina hapta hman dan tur an rel a. Faina hapta hawnna chu October ni 2-ah CHANEM Building-ah neih ni se, October ni 4 atanga ni 7 chhungin District Hqrs leh urban town leh khaw hrang hrangah faina lam hawi hnatlang leh hmalaknate neih ni se, October ni 8-ah hapta kharna hun hi DHO pisa tual, New Champhai-ah neih ni se, an ti.
Faina hapta hman chhungin fai endik ni se, an ti a. Sawrkar Pisa leh Sikul fai endik turin MJA Champhai District; Veng fai endik turin YMA Sub-Hqrs.; Restaurant, Hotel, Hospital leh Bazaar fai endik turin MHIP Sub-Hqrs. te ruat an ni a. Social media leh Print media kaltlanga inzirtirna pekchhuah ni se, an ti a. Faina lama hmalakna leh inzirtirna kalpui tha nitin chhuak Chanchinbu lawmman siam leh, faina thupui thlan hmanga Mass Photography Competition buatsaih ni se, lawmman hi Hapta khar ni October ni 8, 2021 ah sem ni se, an ti.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More