Sorkarin Kohhran inkhawm a phal hnuah nimin, Pathianni khan Ruantlang Presbyterian Kohhran chuan Pathianni inkhawm an kalpui a, Naupang Sunday School-ah faina kawnga inzirtirna hun hman a ni.
Faina kawnga inkaihhruaina leh hriat tur tul hrang hrang, Ruantlang Swachh Bharat Mission (Urban) Local Ambassador C. Lalrochhara siamte chu Beginner atanga Senior Department-ahte pek niin, Department tin ten zirlai pangngai an zir zawhah faina chungchang zirtirna siam hi zirtirtute kaihhruaiin an zirho a ni.
Faina leh thianghlimna kawnga khawtlang tana hnathawk tha leh mipui huikhawm leh zirtira hneh thei tur, khawpui chhunga VC pakhat zelah Swachh Bharat Mission-Urban Brand Ambassador tur pakhat theuh
thlan an ni a. Champhai khawpuiah Local Ambassador 20 ruat an ni.
Local Ambassador tura ruatte hi District/Town level-a Azadi Ka Amrit Mahotsav, Mizoram Cleanliness Week
leh Mizoram Khawpui Fai Intihsiakna 2021 bakah Swachh Survekshan 2022
inbuatsaihna leh hmalaknaah faina kawnga Department hmalakna puibawmtu ber an ni dawn a ni.
Comments are closed.