African Swine Fever hri leng vangin Champhai District chhungah Vawk 43 a thih belh leh.
Nimin khan hmun 5-ah Vawk thi hi awmin, Leisenzo leh Bungzungah 13 ve ve a thi a. Khuangthingah 9, Sesihah 7 leh Dintharah pakhat a thi a. Vawk 6 suat belh leh niin, Bungzung leh Thekpuiah Vawk 3 ve ve suat a ni.
Champhai District chhungah African Swine Fever leng thar leh tuar nasa ber, Farkawnah chuan Vawk 859 thi tawhin Vawk 1806 suat a ni tawh a. Farkawna ASF kaihhnawiha Vawk thi hi 2,668 a tling tawh a. Champhai District chhungah ASF hri leng vanga Vawk thi za zela 34.94 chu Farkawn khuaa mi a ni.
Champhai khawpui chhunga Vawk hri leng tuar nasa ber Hmunhmelthaah chuan Vawk 270 thi tawhin, Vawk 218 suat a ni tawh bawk. Heti hian Champhai District chhungah African Swine Fever vangin Vawk 3635 an thi tawh a, Vawk 4000 suat tawh niin, ASF kaihhnawiha Vawk thi hi 7635 a tling tawh a ni. ASF hri leng thar hian Champhai District chhunga khua leh veng 40 luh chilh tawhin, hmun 29 chu vawk hri lenna hmunah puan mek a ni.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More