Biate khua chuan rambuai laia Sialhawka khawm tura tih an nih hnua an khuaa kir leh zawk tura Sawrkarin thupek a tih chhuah ni, February ni 5 chu kumtin kohhran leh khawtlangin urhsun tak a hmangin, thil tha tih ni-ah te an hmang thin a.
Kuminah chuan he ni hi Pathianni a nih avangin nimin khan he ni pual hian hun an hmang a ni.
Kum 1966 a Mizoram a buai hnuah, kum 1969 khan Biate khua chu Sialhawkah khawm tura tih a ni a. Sialhawkah hian chhungkaw tam zawk chu an inthiar phei hman a. Biate khuaa kohhran mite tawngtaina avangin Biate khua chu khawm tura tih an nih hnu leh chhungkaw tam tak an inthiar phei tawh hnuah February ni 5, 1969 khan Sawrkarin an khuaah kir leh turin thupek a chhuah ta zawk a. Hei vang hian Biate khawtlang leh Kohhran te chuan February ni 5 hi an ngai hluin an hlut hle a, hemi pual hian kumtin hun an hmang thin a ni.
Kumin February ni 5 hi Pathianni a nih avangin chhungtin te chu Pathian hnena inhlantharna leh lawmthu sawina nei a hun hmanga, tawngtai turin Branch YMA ten an ngen a.
Nimin khan mi harsa te pualin thing phurh hnatlang an nei leh a ni. Pi leh pu te hun atangin February ni 5 hi an hlut hle thin a, thingphur lo bik nih tumahin an duh lo va, YMA member awm lohna chhungkuaah pawh thing hi an keuh vek thin.
Comments are closed.