Gas puak avanga chhenna in chhia siam tha

Gas puak avanga chhenna in chhia siam tha

Get real time updates directly on you device, subscribe now.

Gas puak vangin Khawbunga Pi Lalhluni In, Ningani zana kang chu Zirtawpni khan hnatlanga sak that a ni.
Ningani zan dar 7:00 vel khan Khawbung Dinthar venga Pi Lalhluni chênna In (Assam type) chu eirawngbawlna gas puak vangin an choka nampûk leh bual in pindan a thlawh darh vek a, in chung rangva a vawrh kau deuh vek a, bangrel eng emaw zat a nam kau bawk. Gas puak avanga pindan lam mei alhin a phuh chu an thenawm khawveng te’n rang taka thelh nghalin, mutbu leh thawmhnaw tam zawk chu kang ral lova thelh mih a ni. Kangmei chhuak hi gas thuk bula Electric Tuilumna bel atanga chhuak nia rin a ni a. Kangmei chhuah lai hian inneitute hi an chhungte inah chaw an ei a. Thi leh hliam an awm lo a. Insuk khawl, TV, tukverh darthlalang, bungbel eng emaw zât chu gas puak hian a vawm chhe thung a ni.
Zirtawpni khan Khawbung Village Disaster Committee leh Khawbung Branch YMA ‘A’ Section member te’n hnatlangin inkang hi an siam tha a. Tuipuiral Group YMA hruaituten chhiat tawhna hi a hmunah an tlawh a.
Bialtu MLA Ramthanmawia’n hnatlang thingpui inna tur Rs 3000 a pe a. Lalthasanga (EE, Tlawva Hydel Construction Division) chuan tanpuina Rs. 15,000/- a pe bawk a, mimal leh pawl thenkhatte’n sumfai leh insakna hmanraw chi hrang hrang hmangin an pui bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More