Sponsorship and Foster Care Approval Committee chuan Champhai District chhunga chhungkaw harsa zual naupang 61 te tanpuina dawng turin an thlang chhuak.
Nimin khan Sponsorship and Foster Care Approval Committee chu an chairman Pu James Lalrinchhana hovin DC Conference Hall, Keifangtlangah an thukhawm a, thukhawm chuan Champhai District chhunga chhungkaw harsa zual naupang 59-te sponsorship dawng turin an thlang chhuak a, hei bakah hian foster care, chhungkaw dangin an enkawl naupang pahnih te chu foster care fund dawng tura thlan an ni bawk a. Heng bakah hian naupang dawng tur dang an awm a nih chuan an dawn theih huna thun luh turin waiting list-ah dah an ni bawk.
Sponsorship hi naupang harsa zualte sumfaia tanpuina a ni a, heng bakah hian naupang harsa te hi mimal leh pawl ho anga thawhkhawmin tanpui theih an ni a, hetiang lam inzirtirna talkshow buatsaih ni se tiin nimina thukhawm chuan an rel bawk a ni.
Comments are closed.