HARSATNA AWMTE DALTU A NGAILO TURIN CHAH

Get real time updates directly on you device, subscribe now.

Mizoram Youth Commission (MYC), Sub-Hqrs. MHIP, Medhavi Foundation leh District Skill Committee tangkawp buatsaih MHIP member-te tana Cake ur inzirtirna Circuit House Champhaia neih zawh taka zirchhuak mi 20 te hnenah nimin khan District Bawrhsap, Pi Maria C.T Zuali chuan Cake urna Oven leh hmanraw hrang hrangte a hlan.
Bawrhsap Pi Maria C.T Zuali chuan hlawhtling taka Cake ur inzirtirna kalpui a nih theihna kawnga tangkai tak MHIP leh thathawhtu dangte chungah lawmthu a sawi a. Cake ur training chhuakte chu thiam nal turin tuichilha ti ngun tur leh hmasawn tum tura ngaihtuahna seng tam turin a fuih a. Hlawhtlinna dal tura harsatna awmte huaisen taka paltlang thin tur leh harsatna tawklo an awm loh avangin an kalzelna kawnga harsatna awm theite chu daltu atana hmang lo turin a chah a. Thiamnate tangkai zawka chhawr turin inzarpharha intrepreneurship lam hawia kal thiam a tul thu sawiin, midangte hrilhhria a inphochhuah nachang hre tur leh a theih phei chuan thianhoa intelkhawma tangho thiam turin a chah a ni.
Bawrhsap chuan Cake ur zirchhuakte chu mahni kutke ngeia dinchhuah leh intodelh tlat tum tur leh midang kuta innghah tum lo tura fuihin, naupan lai atangin midangte chawmhlawm leh ngaihtuah ngai reng nih tum lo tura inzirtir a ngai a, chumi tur chuan thiamna tluantling, taimakna, tumruhna leh huaisenna neih a ngai a ni, a ti a. Sawrkarin training a buatsaih sak leh bungrua a pekte chu a nihna ang tur taka hmanga, eizawnna ngelnghet neih nana chhawr tangkai theuh turin duhsakna a hlan a ni.
He hun hi Pu Obed Lalmalsawma, SDC chuan a kaihhruai a. Pi Lalrozami, Fin. Secretary, Sub-Hqrs.MHIP Champhai hnen atangin thusawi ngaihthlak a ni.
Cake ur training hi September ni 27, 2021 atanga tan niin October ni 7, 2021 khan khar a ni a. Training-a telte hi Cake urna Oven leh hmanraw mamawh hrang hrangte bakah hian a kharniah Certificate leh Cake ur zirna lehkhabu pek an lo ni tawh bawk a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More