HEALTH & WELLNESS CENTER TAN ZUNTHLUM ENNA

Get real time updates directly on you device, subscribe now.

Inrinni khan Champhai North Bialtu MLA leh Health & Family Welfare Board Vice Chairman nibawk Dr. ZR Thiamsanga chuan Selam Health & Wellness Centre tan Zunthlum test-na a pe a.
Inrinni vek khan MLA hian a bial chhung Aiduzawl khua a Covid-19 positive te tan Block kaltlangin Covid-19 dona hmanrua leh damdawi bakah sumfai Rs. 10,000/- a hlan bawk a ni.
Selam khawtlang aiawh Pu C. Sinmuanthanga, Vice President VC leh Kapsuanmanga, Zote Unit President ten an dawng a, Selam khawtlangin Bialtu MLA Dr ZR Thiamsanga chungah lawmthu an sawi a ni. Bialtu MLA hian thla hmasa khan Selam Health & Wellness Centre a hmunah tlawhin a building major repair dan tur te, staff quarter sak that dan tur a en bakah Selam Health & Wellness Centre mamawh damdawi leh Covid-19 laka invenna tur alo pe tawh bawk a ni.
Champhai North Bialtu MLADr. ZR Thiamsanga hian hriselna kawngah a bial tan hma la in a bial chhung Sub-Centre awm zawng zawng deuhthaw Health & Wellness Centre-ah hlankai niin B.Sc. Nursing dah nghal zel a ni a.
Hlankai la hmabak khaw pahnih Khuangphah leh North Khawbung te pawh kumthar lamah hian hlankai tum anih thu MLA hian sawiin Sub-Centre awmlohna khuate tan Clinic changtlung tak dah tum anih thu a sawi a, MLA hian Health & Wellness Centre te tan Oxygen Concentrator a pe vek tawh bawk a ni.
SRDC Area Champhai North Assembly Constituency huamchhunga khaw pahnih leh Lengteng Assembly Constituency huamchhunga khaw pali te hriselna kawngah nasa lehzuala hmalak anih theih nan SRDC
rorelna sang chuan Mimbung PHC-ah X-Ray leh khawl dang kumtharah dah anih dawn thu MLA hian sawiin SRDC Area Sub-Centre pali Mimbung, Hrianghmun, Teikhang, Kawlbem leh Health & Wellness Centre pahnih Selam leh Vaikhawtlang te tihchangtlun a remti a. SRDC rorelna chuan Champhai North MLA Dr. ZR Thiamsanga, SRDC Member nibawk kaihhruaina hnuaiah SRDC Area hriselna lama hmathar lak dan tur Sub-Committee dinin an rawtna ang te tihhlawhtlin dan an zawng nghal dawn a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More