HMALAK ZEL DAN TUR NGAIHTUAH

Get real time updates directly on you device, subscribe now.

Ningani khan Dungtlang khuaa Tuipuiral Zirlai Pawl Run-ah, Dungtlang nuho pangang khawite leh puan tahtute eizawnna mumal zawka an kalpui theih dan tur, Champhai District Bawrhsap hlui Maria CT Zuali leh Lenbuang Handloom & Handicraft neitu K.Lalmuanpuii ten sawipuiin hmalak zel dan tur an sawiho.
Champhai District bawrhsap hlui Maria CT Zuali chuan, maimaw (silk) puan siam chhuah chu thingtlang kut hnathawktute ten eizawnna tling leh tha, India ram pumpui mihring vaibelchhe eng emaw zatte mamawh a nih thu sawiin, mamawhna a sang hle tih a sawi a. An hmalaknaah sawrkara innghat lo va, mahni kea ding chhuak thei tura tum ruhna nei turin a chah a ni.
Lenbuang Handloom & Handicraft neitu K.Lalmuanpuii chuan puan tahtute puan tah tur laduang ken sakin, an tah zawh veleh an bank account-a an puan tah man an thun sak thin tur thu sawiin, an kutchhuak chu uluk a, mite hriatreng tlak leh lei zel duh tur chia tah turin a ngen a ni.
Khualzinte atanga sum lakluhna tha tak an neih theihna atan an kut thiam thil chi hrang hrang, hautak si lova siam chhuah dan tur an kawhhmuh a. A theih chin chin chu tualchhung siam chhuah hmanga intodelh tum turin an chah bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More