Thla khat chhungin Champhai Police-in Heroin Kg 14 leh Gram 422 a rit an man.
Thla liam ta October thla chhung khan Champhai Police Station-ah thubuai 21 ziah luh niin thubuai ziah luh zinga tam ber za zela 47.61 (thubuai 10) chu ND&PS Act hnuaiah ziah luh a ni a, heng thubuai 10 znga 4 hi Heroin a hlawma tawlh Commercial Quantity tling phak a ni. October ni 14 khan Heroin Kg 6 leh Gram 836 man a ni a, hei hi Mizoram chhunga tum khata Heroin man tam ber tum a ni a, hei baka hian October ni 20 khan Kg 5 leh Gram 484 an man bawk a, tum khatah Kg 1 leh Gram 289 leh Gram 422 a rit man a ni bawk a; Heng bakah hian a hlawm lian tham lovin tum 6 Heroin hi an man bawk a ni. Thla khat chhunga Champhai Police-in Heroin an man hi international Market-ah cheng Nuai 7211 hu a ni.
Tun hma lamah kha chuan Heroin a hlawm lian mana inhnamhnawihte hi Hnamdang an nih thin avangin Mizoram kaltlanga ruihhlo tawlh a ni thin a. Tun hnai tum 4 a hlawm liana man te erawh chu a inhnamhnawih hi Mizoram mi leh sa bakah Zohnahthlak an nih avangin Mizoram chhungah Heroin
vawrh darh hi a nasa hle tura rin a ni.
October thlaa Champhai Police station-a thubuai ziah luh zingah hmeichhe naupang kum tling lo khuaikhem pakhat ziah luh a ni a. Champhai khawpui chhung veng pakhata pa pakhat chuan a tu nu, a farnu fa kum 13 mi chu hmeichhe naupang nu-in pasal anga a neih, kum 29 miin vawi tam tak mipat
hmeichhiatna a hmanpui tih sawiin, Champhai Police Station-ah thubuai a theh lut a. Hmeichhe naupang kum tling lo khuaikhem tu-a puh hi Police te hian manin thubuai an siamsak a ni.
October thla chhunga thubuai ziah luh dang hi Rukruk thubuai 7 leh Jail tang tlan chhuak, Arms Act
leh Pawisa lem man thubuai 1 theuh ziah luh a ni bawk
Comments are closed.