Champhai Zotlang leh New Champhai chhunga vawk engemawzat thite thih chhan chu African Swine Fever a ni tih finfiah a nih avangin Dr.B. Lallawmsanga, District A.H & Vety. Officer Champhai chuan ‘The Prevention and Control of Infectious & Contagious Disease in Animal Act 2009, Section 20 Sub-Section I in thuneihna a pek angin Champhai Zotlang leh New Champhaite chu nimin April ni 13, 2022 atanga thuleh awm hma vawk hri lenna hmun ‘Infected Area’ ah a puang.
African Swine Fever lenna hmun Infected Area a puan tak chhungah hian hengte hi zawm ngei tur a ni – Champhai Zotlang leh New Champhai atanga vawk lakchhuah emaw, lakluh emaw phal a ni lo. Vawk thi reng reng paih mai lovin, chinai (lime) nen thuk taka phum tur a ni. Champhai Zotlang leh New Champhai chhungah vawk talh leh vawk sa zawrh khap tlat a ni.
Comments are closed.