Hmunhma neih that ang hua Sangha tharchhuak tamlo

Get real time updates directly on you device, subscribe now.

Nimin khan Fisheries Minister Pu K.Lalrinliana chuan Champhai khua leh a chhehvela Sangha khawitute hmalakna hrang hrangte tlawhin a enfiah. He hunah hian Champhai South bialtu MLA Pu T.J. Lalnuntluanga, Law & Judicial Minister leh Champhai North bialtu MLA Dr. Z.R Thiamsanga, Vice Chairman, Health & Family Welfare Board-te pawh an tel a ni.
Pu K.Lalrinliana chuan Sangha Dil siam leh tharchhuah kawnga Champhai District chhunga Society-te hmalakna chu fakawm a tih thu a sawi a. Society hrang hrang te’n phur taka Sangha vulh kawnga tan an la chu hmuh nuam a tih thu sawiin, hmunhma neih that ang hua Sangha tharchhuah a ni lo erawh chu hmasawn ngaihna hmabak a nih hriaa tanlak nana hmang turin a chah a. Sangha chi siam kawnga Zotlang Fishery Co-operative Society Ltd. te hmachhawp chu phurawm a tih thu sawiin, Sangha chi siam leh tharchhuah kawngah intodelh tura theihtawp chhuah zel tum a ni, a ti. Sangha khawitute chu Sangha khamkhawp tharchhuak tura tan la sauh sauh tur leh tualchhung Sangha tui leh hrisel, man man zawkin Bazar a luah hneh ngei theihna tura tan la turin a chah a ni.
Fisheries Minister hian Sihzau/Zophai hmuna Champhai Zotlang Fishery Co-operative Society Ltd. te enkawl ram hectare 10 a zaua Sangha Dil leh Blue Revolution kaltlanga Sangha no khawina Hatchery siam mekte a enfiah a. Champhai Phaizau Farming Development Co-operative Society Ltd. te Sangha Dil siam, tuilakna ni bawk chu bialtu MLA, Society hruaitu leh Official-te nen enfiahin Pradhan Mantri Matsya Sampada Yajona (PMMSY) kaltlanga Co-operation Department nena tangkawpa Sangha chi siam chhuahna Hatchery buatsaih a nih theih dan turte enho a ni bawk.
LAD Department changtu Minister ni bawk Pu K.Lalrinliana hian tukin khan Hmunhmeltha tlawhin khawtlang hruaitute a kawm bakah Ruantlang Mual Veng VC House sakna tur hmunte a tlawh bawk.
Pu K.Lalrinliana hi Pu R.Lalnghakliana Addl. DC & PD, DRDA, Pu Lalzorama S.E P&E, Pi Esther Leihang DLAO, Dr. Lallawmkima DIPRO, Pu Lalhmunsanga DFDO leh Pu C.Vanlalhruaia, ARCS te’n an tawiawm a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More