Hnahlan Winery chuan Ningani atang khan an grape rah lei chu an her tan.
Hnahlan Grape Growers Society hruaitute sawi danin Ningani thleng khan Hnahlan Winery-ah hian grape quintal 130 vel an la tawh a. An grape lakte hi cold storage-a a len tawh loh avangin dah reng theih a ni dawn lo va, a her (crushing) hna chu tan ta an nih thu an sawi. An hmalakna chungchangah hian Hnahlan Grape Growers Society hruaitute chuan an kaldan turah sorkar thu an ngaichang reng a. Sorkarin an tawp fihlim tawpna tur chuan ruahmanna a siam lovang tih an beisei tih an sawi a. Chutih rualin sorkar thu an ngaihchan chhunga grape rah seng a hun tawh avangin grape chu lei leh her ta an ni tih an sawi bawk.
Hnahlan leh a chheh velah hian Grape ching chhungkaw 100 bawr vel an awm a, kumin hian Society hian Grape hi Kg-ah Rs. 60-in a leisak a ni.
Comments are closed.