Law & Judicial Minister Pu TJ.Lalnuntluanga chuan Kan hnam a boral loh nan Mizo hnam ziarang leh kan incheinate hi kan vawn nun tlat a pawimawh a ni, a ti.
ZOHANCO Special Handloom Expo-2021 Champhai Bethel Veng Chhura Hmun Hall-a buatsaih a hawnnaah Champhai South Bialtu MLA, Pu T.J. Lalnuntluanga chuan he thu hi sawiin, Kan hnam hi a ral mai lohna turin kan hnam incheina leh Culture te kan vawn nun reng a pawimawh a, Hnamdang incheina leh ziarangin min chim mup mup lai hian kan hnam incheina ZOHANCO ten tungding leh ti lar zel tura hma an han la hi an fakawm a ni, a ti bawk. Handloom Expo a lokal puantahtute pawh fuihin Minister chuan an thilsiamte chuan belchian a dawl tur a ni a, a tha in a mawi tur a ni. Zoram chhung mai bakah rampawn thleng pawha thawnchhuah tlak dekchhuak zel tur a tan an lak a ngai a ni, tiin a fuih bawk.
Handloom Expo ni 3 awh tur hawnna inkhawm hi ZOHANCO Chairman Pu C. Lalrammawia chuan a kaihruai a. Stall 22 hawn niin Mizo kutchhuak thawmhnaw chi hrang hrang man man zawk-a zawrh chhuah a ni.
Champhai District SP leh Officer engemawzatin Minister hi an tawiawm a ni.
Comments are closed.