Champhai District Bawrhsap James Lalrinchhana chuan, Champhai khawpui chhunga Petrol Pump te chu darkar 24 in hawng turin a hriattir.
Champhai District mipui ten tuialhthei lak kawnga harsatna an tawh lohna turin Champhai khawpui chhunga Filling Station zawng zawngte chu, Pathianni tiamin engtik lai pawha inhawng turin James Lalrinchhana, District Bawrhsap, Champhai District chuan a ngenin a hriattir a.
Sawrkar thupek tha taka zawm tur leh mipui tana theihtawpa rawng bawl chhunzawm zel turin Filling Station-a thawkte a chah.
He thupek hi Mizoram chhungah dan lova POL (Petrol leh Diesel) zawrh a nih loh nan leh, Filling Station-a thui tak tak leh rei tak tak intlar ngai loa mipui ten tuialhthei an lak theih nan
Director, Food, Civil Supplies & Consumer Affairs-in thuneihna a pek anga, National Highway kam leh District Headquarters-a Filling Station te chu Pathianni tiamin, engtik lai (24×7) pawha inhawng tura thu a lo pek tawh bawhzuina a ni.
Comments are closed.