𝗛𝗻𝘂𝗰𝗵𝗵𝘂𝗶 𝗮𝘄𝗹𝘀𝗮𝗺 𝘇𝗮𝘄𝗸 𝗻𝗮𝗻 𝗱𝗮𝘄𝗿 𝗸𝗵𝗮𝗿

Get real time updates directly on you device, subscribe now.

Champhaiah hri kai mi 3 hmuhchhuah belh an ni a, hri kai mi 2 hmuhchhuahna Champhai Vengthlangah kar khat chhung dawr hawn khapna thupek chu nimin khan Champhai District Magistrate chuan a tichhuak.
Tarlan tawh angin hri kai hmuhchhuah pahnihte hi tun hnaia Champhai Kahrawt venga hri kai hmuhchhuah atanga kai chhawng, Champhai Vengthlang a mi, mipa kum 4 mi leh Hmeichhia kum 18 mi
te an ni a, hri kai hmuhchhuah pakhat hi Champhai Kanan veng a mi tun hnaia Delhi atanga lo haw kum 23 mi home quarantine lai a ni a, hri kai hmuhchhuahte hi taksaa natna langchhuak lo vek an ni.
Champhai Vengthlanga hri kai hmuhchhuah zinga hmeichhia zawk hian, ina khung hran a nih chhunga hnimhnaih a lo neih nual hman avangin Vengthlang VLTF te chuan a sulhnu chhui nghalin, chhungkaw 28-te chu Home Quarantine nghal an nih thu Vengthlang VLTF Secretary Lalrammuana chuan a sawi a. Champhai District Magistrate, Maria
CT Zuali chuan tun hnaia hri kai hmuhchhuah zinga mi 3-te chu hri an kaina hriat chian loh a nih avangin Champhai Vengthlang huam chhunga dawr zawng zawng, Damdawi
zawrhna dawr tiamin kar khat chhung hawn phal loh thupek chu nimin khan a chhuah a. Champhai Vengthlang hi thingtlang lamin Chiseh an lamna pui ber a nih avangin thingtlang atanga mamawh lam duh an awm chuan an khuaa VLTF leh Vengthlang VLTF te kaihhruaiin lam theih a ni thung ang.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More