Get real time updates directly on you device, subscribe now.
DCPU Champhai enkawlna hnuaia Home hrang hrang 3-ah naupang 27 an enkawl mek.
DCPU Champhai hnuaia awm Observation Home-ah naupang 13 an awm mek a; Rose Children’s Home-ah naupang 8 leh Genesaret Gospel Home-ah naupang 6 an awm mek bawk. Heng Home pathum-te hi thla thum danah District Level Inspection Committee-in an endik thin a ni.
DCPU hnuaia District Jail Inspection Committee te chuan thla thum danah Inspection neiin, Jail chhungah naupang an awm leh awm loh te an endik thin a. DCPU hian hmun hrang hangah mipui zirtirna hun an buatsaih thin bakah Sensitization meeting leh Capacity Building Programme chu thla tin tum 3 an buatsaih thin bawk.
DCPU hian Children’s Day, November ni 14 chu Pathianni a nih avangin vawiinah he ni pual hian hun an hmang dawn a. Naupang te dikna chanvo inhrilhfiah nan leh naupang hmasawnna tur ngaihtuah chungin hun an hmang dawn a. DCPU hi kum 2012 khan Champhai ah din tan a ni a, DC kaihhruaina hnuaiah District Level Child Protection Committee din a ni a. BDO kaihhruaina hnuaiah Block level Child Protection Committee a awm bawk a, Village Level Child Protection Committee din a ni bawk.
Comments are closed.