Undivided Champhai District chhunga Covid-19 hri danna la thei tura ngaih zingah za zela 74.67 ten dose kimin an la tawh.
Champhai District chhungah Covid-19 hri danna pek chhuah chhunzawm zel niinhri danna la thei tura ngaih mi 79,971 awmin an zinga za zela 74.67 te chuan dose kimin an la tawh a, hri danna hi za zela 91.92 pek ani tawh a, hri danna la lo hi 6459 anla awm a, an zingah hian hri danna la duh lo mi 3000 chuang an awm a, hri danna la duh lo zinga a tam zawk hi chu sakhuana avanga la duh lo an ni a, inchiu hlauh avanga la lo pawh an awm a. Hri danna dose khatna la tawh dose kima la duh lo mi 200 chuang an awm bawk a ni.
Health Care Worker dose khatna la tawh 1089 zinga 1055 te chuan dose kimin an la tawh a, Front Line Worker dose khatna la tawh 1694 zinga 1660 ten dose kimin an la tawhbawk a. Kum 18 atanga kum 44 inkar dose khatna la tawh 44,155 zinga 32,127 te chuan dose kimin an la tawh a, kum 45 leh kum 59 inkar dose khatna la mi 13,218 awmin dose kima la hi 14,460 an awm a, dose kima la an tam zawk nachhan hi District danga dose khatna la Champhai District a dose hnihna la an awmvang a ni. Kum 60 chunglama dose khatna la 13356 zinga 10416 ten dose kimin an la tawh bawk a, Champhai District chhunga raltlan te a theih ang angin hri danna hi pek an ni bawk.
Comments are closed.