HRI DANNA LA LO TEN LAK THEIH

Get real time updates directly on you device, subscribe now.

Inrinni thleng khan Champhai District chhungah Covid-19 hridanna dose 1-na chu mi 70,693 hnenah pek a ni tawh a. Dose kima la hi 41,509 an awm tawh a, hridanna dose 1-na la atanga chhutin za zela 58.71 te’n dose kimin an la tawh niin thu dawn a ni.
Health Care Worker dose-1 na la 1089 zinga 1008 te chuan dose kimin an la tawh a. Frontline Worker dose 1-na la 1468 zinga 1400 te’n dose kimin an la tawh bawk a. Kum 18 atanga kum 44 inkar dose 1-na la 52,059 zinga 16,094 te chuan dose kimin an la tawh a. Kum 45 leh 59 inkar dose 1-na la hi 12,858 awmin dose kima la hi 13,278 an awm a. Dose kima la an tam zawkna chhan hi district danga dose 1-na la, Champhai District-a dose 2-na la an awm vang a ni. Kum 60 chunglama dose 1-na la 13,141 zinga 9729 te’n dose kimin an la tawh bawk.

Vawiin leh naktuk hian Champhai Kahrawt Comminity Hall-ah Covid-19 hridanna pek leh tur a ni a, hridanna la lo leh 1st Dose la tawh, 2nd dose la thei tawh te hnenah pek a ni ang.
Kum 18 chunglam, 2003 hmalam a piang te; nau pai, Voter’s ID leh Adhaar neilo leh raltlante tan lak theih a ni ang a. 2nd dose la thei zingah vawiin hian Ni 5.7.2021 hma lama 1st dose la leh naktukah Ni 6.7.2021 hma lama 1st Dose la te tan lak theih a ni ang.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More