Nimin khan Champhai Covid Care Centre atangin mi pahnih dam taka chhuahtir an ni a, Champhai district-ah khung hran lai mi 93, mipa 67 leh hmeichhia 26 an awm mek.
Nimin chawhnu khan Covid-19 hri kai, Covid Care Centre (CCC), Nursing
School Building Champhaia enkawl mipa Kum 30 mi leh hmeichhia Kum 23 mite chuan dam takin enkawlna hmun an chhuahsan a. Heti hian
Champhai ah hri kai enkawl dam mi 71 an awm tawh a, enkawl mek mi 19 awmin hri kai tawh zawng zawng hi mi 90 an tling tawh a ni.
Champhai District chhunga Sawrkar inkhunghranna hmun atangin mipa 7 leh hmeichhia 3 bakah in lama inkhung hrang 2 ten khung hran hun an hmang zo a; mipa 5 leh hmeichhia 4 an lut thar ve thung.
Heti hian inkhung hrang mek zinga mi 40-te hi Sawrkar inkhunghranna
hmuna awm an ni a; in lama inkhung hrang hi mi 32 awmin; hri kai enkawl lai mi 19, mipa 7 leh hmeichhia 12
an awm mek a. ZMC a thawn mipa leh hmeichhia 1 ve ve an awm bawk.
Hetihlai hian Niminpiaha Zokhawthar-a Covid-19 hri kai mi 3 hmuh chhuah bakah TrueNAT hmanga sample enfiah atangin Champhai Bethel vengah hri kai pakhat hmuh chhuah belh a ni a. Mipa niin, Manipur atanga lo haw, Sawrkar inkhunghranna hmuna khung hran lai, taksaa natna lang chhuak lo a ni.
Hetihlai hian, nimin atang khan
Zokhawthar khawtlang inkharkhip
chu hlih a ni a, sawrkar inkaihhruaina erawh kalpui zui zel a ni ang.
Comments are closed.