Champhai District-ah Covid 19 kai mi 23 hmuhchhuah belh leh a ni.
Hri leng thar leh hian zual lam a pan zel a, nimina hri kai hmuh chhuah te hi Rapid Antigen Test hmanga hmuhchhuah niin Vengsangah mi 6, Venglai leh Hnahlanah mi 3 ve ve, Vengthlangah mi 2 leh Kahrawt, Zion Veng, Bethel, Vengthlang North, Hmunhmeltha, New Champhai, Ruantlang, Melbuk leh Lungphunlian-ah te mi 1 theuh hmuhchhuah a ni. Hetih lai hian nimin khan enkawl dam mi 16-in enkawlna hmun an chhuahsan thung a. Vengsangah 3, Bethel, Kanan leh Vengtharah mi 2 theuh, Zion Veng, Electric, Vengthlang, Kahrawt, Venglai, Vengthar, Selam leh Bungzungah te mi 1 theuh enkawl dam an ni.
Hri len thar leh hnua Champhai district-a hri kai hmuhchuah chu 357 an tling tawh a, an zinga mi 266 te chu enkawl dam tawh in mi 81 la enkawl mek an ni. Heti hian Champhai District chhunga hri kai hmuhchhuah chu mi 11,096 an tling tawh a, an zinga 10,983 enkawl dam tawh an ni.
Comments are closed.