Vawiin khan Champhai District chhungah hri kai mi 8 hmuh belh leh a ni.
Rapid Antigen Test hmangin Tlangsamah mi 2; Vengthlang, Vengsang, Kahrawt, Vengthlang North, Zotlang leh Kanan ah te mi 1 theuh hmuhchhuah an ni bawk.
Tunah hian Champhai District chhunga Covid-19 hri kai hi mi 5984 hmuhchhuah tawh niin mi 5521 te enkawl dam niin mi 450 enkawl mek an ni. Vanduaithlak takin mi 18 in nunna chan tawhin an zinga mi 5 te hi District pawn a thite an ni.
Covid-19 No Tolerance Fortnight hman mekah nimin khan Champhai District ah dan bawhchhia mi 2 man an ni.
Covid-19 hripui darh chak tak leh inkaichhawn zel tur chhutchah a ni theih na tur leh mipui ten Covid-19 avanga khuahkhirhna siamte zawma nunphunga an neih theihna tura Mizoram Sawrkar in a duan Covid-19 No Tolerance Fortnight hman mekah nimin khan Flying Squad Team te chuan dan bawhchhia 2 an man a, dan bawhchhia an mante hi pawisa chawi tir an ni. Covid-19 No Tolerance Fortnight hman mekah dan bawhchhia hi mi 2587 man ni tawhin an pawisa chawi tlingkhawm chu Rs. 5,33, 300 a tling tawh a ni.
Comments are closed.