Ni 2 chhungin Champhai District-ah Covid-19 hri kai mi 22 hmuhchhuah belh leh a ni a, enkawl dam mi 37 an awm thung.
Pathianni khan hri kai mi 4 hmuh chhuah a ni a, Venglaiah mi 2 leh Vengthlang leh Khankawnah mi 1 ve ve hmuhchhuah a ni a. Niminah hri kai mi 18 hmuhchhuah niin, Hnahlanah mi 4, Vengthlang ah mi 3, Ruantlang, Zote leh Dilkawnah mi 2 theuh; New Champhai, Vengsang, Kahrawt, Melbuk leh Khuanglengah 1 theuh hmuhchhuah a ni bawk. Pathianni khan enkawl dam mi 15 te’n enkawlna hmun an chhuahsan a. Kahrawt, Dilkawn leh Bulfekzawl-ah mi 2 theuh, Vengthlang, Tuipui, Bethel, Khuangleng, Zote, Hnahlan, Zokhawhthar, Zotlang leh Vengsangah te 1 theuh enkawl dam an ni a. Nimin khan enkawl dam mi 22 te an chhuah belh leh bawk a. Venglaiah mi 9, Hnahlanah mi 3, Vengthlang ah mi 2, Zion Veng, Bethel, Lungphunlian, Melbuk, Ruantlang, New Champhai, Hmunhmeltha leh Vengthlang North-ah te mi 1 theuh enkawl dam an ni.
Hri len thar leh hnua Champhai district-a hri kai hmuhchuah chu 402 an tling tawh a, an zinga mi 370 te chu enkawl dam tawh in mi 32 la enkawl mek an ni. Heti hian Champhai District-a hri kai hmuhchhuah chu 11,158 an tling tawh a; 11,094 te enkawl dam tawh an ni.
Comments are closed.