Covid 19 thawh thumna (3rd Wave) lo hmachhawn tura inpe te tan Ministry of Skill Develoment and Entrepreneurship kaltlangin ni 21 awh tur training chu nimin khan tan a ni.
Covid 19 thawh thumna lo thleng mai thei laka inralrinna tura Sawrkar laipui, State leh District Skill Development Committee buatsaihin nimin khan PMKK Building, Champhai Electric Vengah traning tan a ni a. Champhai Bawrhsapin hriattirna a lo tihchhuah tawh angin, Champhai District
chhunga khaw hrang hrang VLTF te chuan Covid 19 thawh thumna huaisena taka hmachhawn a nih theihna tura inpe tur mi 5 an zawng chhuak a. Heng zinga mi 40 te hi Home Heath Aid training tir an ni a, HK Lalchawisangi, HHA Trainer-in a zirtir a ni.
Nimina HHA traning mi 40 te baka midang zawngte hi General Duty Asst. turin Mission Foundation hnuaiah an training ve dawn bawk a ni. Hawnna hun hi Esther Leihang, DLAO Champhai leh Rosangliana, DLEO ten an telpui a. Hripui kan tuar nasat lutuk lohna
turin tualchhung atanga a do hna theihtawpa chhuah a ngai tih an sawi.
Comments are closed.