Champhai District chhungah Covid-19 hri kai 33 hmuh chhuah belh a ni a. Nizan hmasa khan hri avanga nunna chan pakhat awm belh in, Covid 19 vangin nunna chan 6 an awm tawh.
Heti hian Champhai District a hri kai hmuh chhuah zingah mi 11 in nunna an chan tawh a, hmun danga thi mi 5 te nen Champhai District mi leh sa Covid 19 vanga nunna chan chu 16 an tling tawh a ni. Nimin khan RAgT hmangin Champhai District-ah hri kai mi 33 hmuh chhuah belh leh a ni a. Bulkfekzawl leh Zotlang ah mi 6 ve ve, Dungtlang, Vengthlang leh Venglai ah 2 theuh; Electric Veng, Kanan, Dinthar, Vengthlang North leh Kahrawt ah pakhat theuh hmuhchhuah a ni bawk. Nizan khan hmasa TrueNat hmangin Kahrawt Vengah hri kai 8 hmuh chhuah a ni bawk. Champhai District-ah hri kai hmuh chhuah hi 5,149 an tling tawh a, hri vei 4,622 enkawl dam tawhin, enkawl dam zat hi za zela 89.76 a ni a; hri kai enkawl lai hi 544 an la awm mek.
Comments are closed.