Champhai District chhungah hri kai mi 35 hmuh chhuah belh leh a ni.
Nimin khan Rapid Antigen Test hmangin Hnahlanah hri kai mi 8 hmuh chhuah a ni a, Zotlangah mi 7 hmuh chhuah a ni bawk. Vengsang, Kanan leh Venglaiah te hri kai 2 theuh hmuh chhuah niin Ruantlang, Jail Veng leh Mualvengah te pakhat theuh hmuh chhuah a ni bawk. TrueNat hmangin hri kai mi 11 hmuh chhuah a ni bawk a. Tlangsamah mi 7, Zotlangah 2; Venglai leh Vengsangah pakhat ve ve hmuh chhuah a ni bawk.
Nimin zing dar 6:30 khan vanduaithlak takin Pu B. Lalengliana (Tazaiha) Zion Veng, Champhai hmanlai a chem chher thiam thin chu DCHC, Champhai-ah a thi a. Pu B. Lalengliana hi October 26 khan hri a kai tih hriatchhuah niin tihian mi 13 thi tawhin hmun danga Covid-19 avanga thi nen mi 18 an tling tawh a ni.
Heti hian Champhai District chhungah hri kai mi 5,876 hmuh chhuah tawh a ni a, tun November thla kal lai mek ni 16 chhungin hri kai mi 688 hmuh chhuah tawh a ni a; chawhrualin nitin hri kai mi 43 hmuh chhuah ziah ang a ni. Nimin thleng khan hri kai hi 5,428 enkawl dam an ni tawh a, enkawl dam zat hi hri kai hmuh chhuah atanga chhutin za zela 92.37 a ni a, hri kai enkawl lai hi 436 an la awm mek.
Comments are closed.