Nimin khan Champhai-a Covid-19 hri kai enkawl lai mi 6-te chuan dam takin inenkawlna hmun an chhuahsan.
Nimina hri kai enkawl dam chhuahtirte hi mipa 2, naupang kum 9 mi leh puitling kum 34 mi; hmeichhia 4 – kum 24, 26, 39 leh 54 an ni a. Heti hian Champhai district-ah hri kai mi 77 enkawl dam an awm tawh. Champhai district-ah hri kai zawng zawng hi mi 90 an awm tawh a. Hri kai enkawl lai hi mi 13 an awm mek a, Champhai-ah mi 11, mipa 4 leh hmeichhia 7 enkawl niin, mipa 1 leh hmeichhia 1, ZMC-a sawn chhuah an awm bawk.
Sawrkar khunghranna hmunah 41 an awm mek bawk a, in lama inkhung hrang 24 bakah hri kai enkawl mekte nen Champhai district chhunga khung hran hi an vaiin mipa 58 leh hmeichhia 20, mi 78 an awm mek.
Nimin khan Bethel Veng naupang kum 8 leh 10 mite atangin hri an kai tih hmuhchhuah niin natna la langchhuak lo an ni.
Comments are closed.