HRI ZIAAWM THEI LO

Get real time updates directly on you device, subscribe now.

Champhai District chhungah hri kai mi 129 hmuh chhuah belh leh an ni.
Nimin khan Vanzau khuaah hri kai endik a ni a, Sample 350 endikah hri kai 43 hmuh chhuah a ni a.
Sample endik atanga chhutin hri kai hmuh chhuah zat hi za zela 12.28 a ni a. Tun hnaia hri kai hmuh chhuah nen Vanzauah hian hri kai hi 61 hmuh chhuah tawh niin, mi 4 enkawl dam tawh an ni a, hri vei hi 57 an awm mek. Hri kai hmuh chhuah an awm tak avang hian Zirna in leh Biak In te chu khar leh rih a ni.
Vanzau bakah hian Champhai Bethel vengah 4, Zion Veng, Eletric, New
Champhai, Vengthlang leh Dungtlang-ah te hri kai 3 theuh hmuh chhuah a ni a. Khuanglengah 2 leh Buang ah pakhat hmuh chhuah a ni bawk a. Niminpiah khan Thekpuiah hri kai 17 hmuh chhuah a ni bawk. Nizan hmasa khan TrueNat hmangin hri kai 34 hmuh chhuah a ni bawk a. Ngurah 25, Venglai ah 3, Dinthar, Vengsang leh Kelkangah 2 theuh hmuh chhuah a ni bawk.
Heti hian Champhai District chhunga hri kai hmuh chhuah chu 3,835 an tling tawh a, nimin khan hri vei 264 ten enkawlna hmun an chhuahsan a, mi 2,713 te enkawl dam tawh niin hri kai enkawl lai mi 1,116 an la awm mek. Hetihlai hian Champhai District chhunga Covid 19 vanga nunna chan 4 an awm a, hmun danga thi mi 4 an awm tawh bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More