Hriin ziaawm lam pan theilo

Get real time updates directly on you device, subscribe now.

Champhai district-ah nimin lamah Covid-19 hri kai pathum hmuh belh an ni a, hri kai enkawl dam pakhat a awm bawk.
Nizan hmasa khan Zokhawthar-ah hri kai pathum, mipa 2 leh hmeichhia 1 hmuh chhuah leh an ni a. An pathum hian niminpiah khan TrueNAT hmangin an sample endik a ni a; mipate hi kum 19 leh kum 25 mi niin, hmeichhia hi naupang kum 2 mi a ni a. An vai hian chhungkaw khata mi niin, an chhungte hri kai hmuh chhuah tawh atanga kai an ni
a; anmahni ina khung hran lai vek an ni.
Nimin chawhma khan Covid Care Centre, Champhai Nursing School Building-a enkawl hmeichhia kum 56 mi chuan dam takin inenkawlna hmun a chhuahsan a. Heti hian tun dinhmunah Champhai district-ah hri kai enkawl lai mi 10 an awm mek a, 3C Champhai-a enkawl pali leh 4C Zokhawthara enkawl 6-te an ni a. Hri kai enkawl dam hi
mi 202 awm tawhin, hri kai hmuh chhuah tawh zawng zawng hi 213 a ni a; hri avanga
nunna chan pakhat a awm tawh bawk.
Hetihlai hian nimin khan Champhai District
Bawrhsap Maria CT Zuali chuan Melbuk khua a tlawh a. Bawrhsap chuan Melbuk khua chu Myanmar atanga raltlante let lehna hmun langsar ber a nih avangin hri darhna tur laka
theihtawpa inveng fimkhur turin VLTF hruaitute a chah a. Ramri daido khua an nih
avanga khawchhak atanga dan lova bungraw phurh luh ruk tum leh mihring lut ru tur ven
kawnga hma an lakna chu fakawm a tih thu sawiin, theihtawp chhuaha tang chhunzawm zel turin a chah bawk. Melbuk VLTF te hian
ramri inkalpawh tur vengin hmun 5-ah duty post siamin venhim hna an thawk mek a, Mizoram atanga raltlan chho turte hi ramri thleng an lo thlahliam thin a ni.
District Bawrhsap hian Kawngpui sialin a hel tak Melbuk khuain Khankawn – Zokhawthar kawngpui pawh tura khawtlang suma kawng an siam a tlawh nghal bawk. He kawng hi Metre 800.4 a thui, Metre 4.5 a zaua laih niin tui luankawr siam vek a ni bawk a, Cheng Nuai 18 vel an seng a ni. Bawrhsap hian Melbuk khawtlangin anmahni sum senga khelmual an laih mek a tlawh bakah Khankawn to Zokhawthar kawng laih mek
tlawhin, Melbuk khawtlang hruaitute chuan hna thawktu te’n hna an thawh hmanhmawh
avangin an hnathawh a tha lo tih an lo thlen a. District Bawrhsap hian tlo leh tha zawka kawng siam a nih theihna tura hna tha taka
thawk turin kawng siamtute hi a lo sawipui dawn tih a sawi.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More