HRIKAI HMUCHHUAK ZEL

0

Get real time updates directly on you device, subscribe now.

Champhai District chhungah hri kai mi 10 hmuhchhuah belh leh a ni.
Nimina hri kai hmuh chhuah te hi Rapid Antigen Test hmanga hmuhchhuah vek niin, Dungtlangah mi 2 leh Kahrawt, Dinthar, Electric, Vengthlang, Kanan, Zotlang, Hmunhmeltha leh Bungzung ah te mi 1 theuh hmuhchhuah a ni. Hetihlai hian enkawl dam mi 4 in enkawlna hmun an chhuahsan a. Vengsangah mi 2, Hmunhmeltha leh Vengthlang North-ah mi 1 ve ve enkawl dam an ni. Hri len thar leh hnua Champhai District chhunga hri kai hmuhchhuah chu mi 147 an tling tawh a, an zinga 95 te chu enkawl dam tawh niin, 52 enkawl mek an ni.
Heti hian Champhai District chhunga hri kai hmuhchhuah chu mi 10,910 an tling tawh a, 10,826 te enkawl dam tawh an ni. Hrikai leh kai lo endik hi CCC-ah kalpui reng a nih bakah Health Sub-Centre tinah Sample test vek theih a ni tawh bawk a. Thawktute chuan hri a darh zel lohna turin mahni inringhlel te chu a rang thei ang bera in-test vat vat turin an ngen a ni.

Leave A Reply

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More