Nimin khan Champhaiah hri kai mi 2 hmuh belh a ni.
Hri kai hmuhchhuahte hi Keilungliah tuikhuaha hnathawk tura State pawn atanga rawn lut Holy Cross School-a khunghran lai an ni a, mipa pahnih kum 41 leh kum 21, taksaa hri kai natna lang chhuak lo an ni.
Heti hian Champhai District chhunga hri kai
hmuhchhuah chu 221 an tling tawh a. Hri kai leh kai lo hriatna turin District chhungah Sample 14,790 endik tawh a ni a, sample endik zat atanga chhutin za zelah 1.49 hri kai
hmuhchhuah tawh a ni.
Champhai District chhunga hri kai hmuhchhuah tawh zinga 130, za zela 58.82 te chu tualchhunga hri kai hmuhchhuah niin, midang 91 te chu State pawn leh ramdang atang rawn lut te an ni. Champhai District-ah hri kai 204 te enkawl dam tawh niin, enkawl dam zat hi za zela chhutin 92.31 a ni a, mi 16 te la enkawl mek an ni a. Covid 19 vangin mi pakhatin nunna a chan tawh a, hmun danga thi 2 an awm bawk.
Comments are closed.