Champhaiah hri kai mi 13 hmuhchhuah belh a ni.
Nimin khan endik runpui neih bakah hri kai mi 10 hmuh chhuah belh a ni a, an zinga mi 9 te chu hri kaina chin hriat loh an ni a. Champhai Vengthlangah hri kaina chin hriat loh mi 7 hmuhchhuah niin, Bethel vengah hri kaina chin hriat loh mi 2 hmuh chhuah a ni bawk a, Venglaiah hri kai nena inhnimhnai mi 1 hmuhchhuah a ni bawk.
Dinthar leh Kanan venga endik runpui neiha hmuhchhuah nen nimin khan hri kai mi 13 hmuhchhuah a ni a, heti hian Champhai District-a hri kai hmuhchhuah chu 948 an tling tawh a.
Nimin khan hri kai enkawl dam mi 31 an chhuak thung a, hri kai enkawl dam zat hi 789 niin, hri kai hmuhchhuah tawh atanga chhutin za zela 83.22 a ni a, hri kai enkawl lai hi 158 an la awm mek.
Champhaia Covid 19 endik runpui kalpui mekah hri kai mi 3 hmuhchhuah a ni.
Nimin khan Veng pahnih Champhai Dinthar leh Kanan vengte tuam niin, Dinthar venga Sample endik 332 zingah hri kai pakhat, hri kaina chin hriat loh hmuh chhuah a ni a. Kanan Venga Sample 670 chuang endik tawhah hri kai mi 2, Ina khung hran lai hmuhchhuah a ni bawk.
Vawiin hian Champhai Electric Vengah endik runpui hi neih chhunzawm leh a ni ang a, Sample endik tur bik bithliah awm tawh lovin a nawlpuiin a duh apiangte sample endik a ni tawh dawn a. Hetih lai hian Positive Primary Contact TrueNat emaw RTPCR emawa test tura inkhung hrang te, Covid 19 Postive
enkawl dam tawh, an chhuah atanga thla thum la tling lo te leh Truenat emaw RTPCR emaw test negative ni 5 la tling lo te chu endik an ni dawn lo thung.
Comments are closed.