HRIKAI HMUHCHHUAH TLA HNIAM HRET

Get real time updates directly on you device, subscribe now.

Champhai district-ah hri kai 35 hmuhchhuah belh leh a ni.
Nimin khan Rapid Antigen Test hmangin hri kai 35 hmuh chhuah a ni a. Kanan veng ah mi 8, Hnahlan ah 7, Vengthlang North leh Bethel ah 3 ve ve, Vengthlang leh Venglai ah 2 ve ve, New Champhai, Tuipui, Electric, Hmunhmeltha, S. Khawbung leh Jail Vengah te pakhat theuh hmuhchhuah an ni bawk.
Heti hian Champhai District chhunga hri kai hmuhchhuah chu 6,345 an tling tawh a, Champhai District chhungah hri kai hmuh chhuahin hniam lam a pan mek niin a lang a. September thla kha a tawnsan lai ber niin nitin hri kai mi 64 hmuhchhuah ziah ang a ni a, October thlaah hniam lam pan hretin nitin mi 62 hmuhchhuah ziah ang a ni a. November thla chhungin hri kai 1,122 hmuhchhuah a ni bawk a, chawhruailin nitin hri kai mi 38 hmuhchhuah ziah ang a ni. Nimin khan mi 2 te chuan dam takin inenkawlna hmun an chhuahsan a, heti hian Champhai District ah hri kai enkawl dam chu 6020 niin, hri vei enkawl lai 309 an la awm mek.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More