HRIKAI IN TEST DUH LO THAHNEM TAK AWM NIA HRIAT A NI

Get real time updates directly on you device, subscribe now.

Champhaiah Covid 19 kai mi 3 hmuhchhuah belh a ni a, enkawl dam mi 31 an chhuak thung a; Symptoms nei si in test duh lo thahnem tak an awm nia hriat a ni.
Nimina hri kai hmuh chhuah 3 te hi Rapid Antigen Test hmanga hmuh chhuah vek niin, Kahrawtah mi 2 leh Kanan Vengah mi pakhat hmuhchhuah a ni a. Heti hian hri len thar leh hnuah Champhaiah District chhungah hri kai mi 53 hmuhchhuah tawh an ni. Hetih lai hian nimin khan hri kai enkawl dam mi 31 in enkawlna hmun an chhuahsan thung. Hri len thar leh hnuah mi 34 te enkawl dam tawh an ni a, mi 19 enkawl mek an ni.
Heti hian Champhai District chhunga hri kai hmuhchhuah chu mi 10,813 an tling tawh a, an zinga 10,762 enkawl dam tawh an ni. Damdawi lama thawktute chuan Covid 19 symptoms nei si intest duh si lo thahnem tak an awm tih sawiin, hripui a darh zel lohna turin symptoms nei te chu a rang thei ang bera in-test ngei turin an ngen a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More