Nihnih chhungin Champhai District chhungah Covid 19 kai mi 35 hmuhchhuah belh leh a ni.
Pathiani khan hri kai mi 7 hmuhchhuah niin, Champhai Venglaiah mi 2, Electric Veng, Zotlang, Vengsang, Hnahlan leh North Diltlangah te mi 1 theuh hmuhchhuah a ni a. Nimin khan hri kai mi 28 hmuhchhuah belh leh ni bawkin, Champhai Vengthlangah leh Hnahlanah mi 6 ve ve hmuhchhuah a ni a. Vengthar leh Hmunhmelthaah mi 3 ve ve, Zotlang, Vengthlang North leh North Khawbungah mi 2 theuh; Venglai, Khuangthling, Zawlsei leh Ruantlangah mi 1 theuh hmuhchuah a ni bawk a. Nimin khan Hri len thar leh hnua ni khat thil thua hri kai hmuhchhuah tam ber tum a ni.
Hetihlai hian enkawl dam mi 21 te’n enkawlna hmun an chhuahsan thung a. Vengsangah mi 7, Kahrawtah mi 4, Kanan, Zotlang leh Hnahlanah mi 2 theuh, Vengthlang, Dinthar, Electric leh North Khawbungah mi 1 theuhte enkawl dam an ni. July ni 7 atangin Champhaiah hri kai hmuhchhuah thar leh tan a ni a, hri len thar leh hnua hri kai hmuhchhuah chu mi 219 an tling tawh a; an zinga mi 139 te chu enkawl dam tawh niin mi 52 la enkawl mek an ni. Champhai District chhunga hri kai hmuh chhuah chu 10,947 an tling tawh a, 10,863 enkawl dam tawh an ni.
Comments are closed.