HRIKAI THAR 7 HMUH BELH

Get real time updates directly on you device, subscribe now.

Nimin khan Champhai District-ah hri kai 7 hmuhchhuah belh a ni a, hri kai enkawl dam 1 a awm thung.
Hri kai hmuhchhuah thar te hi Zokhawtharah mi 4 leh Khuangphahah mi 3 an ni a. Zokhawthara hri kai hmuhchhuah te hi hmeichhia vek kum 3, kum 11, kum 14 leh kum 20 mi te niin hri an kaina chin hriat loh vek an ni. An zinga pathum hi taksaa natna lang chhuak an ni a, mi 3 te hi 4-C Zokhawtharah dah luh niin, Naupai hmeichhe
pakhat chu Covid Care Centre Champhaiah dahluh a ni.
Khuangphaha hrikai hmuhchhuah te hi mipa 2, kum 18 leh kum 44 mi leh hmeichhia kum 31 mi te an ni a, an vai hian Manipur atanga rawn haw, ina khung hran lai an ni a, natna
langchhuak lo vek an ni.
Nimina hri kai hmuhchhuah nen Champhai District chhunga hri kai hmuhchhuah chu 228 an tling tawh a. Hetih lai hian nimin khan
Covid Care Centre Champhaia hrikai enkawl hmeichhe 1 chuan hri a kai tawh lo tih finfiah a nih hnuin enkawlna hmun a chhuahsan a. Heti hian hri kai enkawl dam 205 awmin
enkawl dam zat hi 89.91% a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More