HRIPUI DONA ATAN SUMDAWNG PAWLTE CHECHHUAK

Get real time updates directly on you device, subscribe now.

Champhai-a sumdawng pawl Champhai District Import Export & Transport Union chuan Zoram Medical College leh Champhai Covid Care Centre-ah tanpuina pawisa fai an hlan.
Champhai District Import Export & Transport Union chuan nimin khan Mizorama hri kai enkawlna hmunpui ber, Zoram Medical College (ZMC)-in a tul leh mamawh apianga an hman turin Cheng Nuai 1 an pe a.
Zoram Medical College aiawhin Champhai District Bawrhsap Maria CT Zuali’n a dawn sak a, Champhaia hri kai enkawlna Covid Care Centre-ah Cheng Sing 5 an pe bawk. Champhai District Import Export & Transport
Union hian District Disaster Management Authority kutah hripui dona kawnga a tul apianga hman turin DDMA Chairman, Maria CT Zuali kutah Cheng Nuai khat an hlan bawk a. Hei bakah hian hri pui dona tur leh raltlan an buaipuina leh a tul apianga hman turin YMA Sub-Hqrs Champhai kutah Cheng Nuai 1 an hlan bawk a. Hun rei tak tlawhpawh phal loh (Containment Zone)-a puan tawh Zokhawthar khawtlang tan Cheng Sing 5 an pe bawk.
SYMA hnena chhawmdawlna pek hlanna hunah hian SYMA President F.Lalrinmuana chuan, YMA in a hranpain midangte tanpuina tur sum leh pai pek chhuah tur nei lo mah se, mi inphal pawl ho leh mimal bakah a ngaihna hriate’n YMA-a an chhun luh hmanga luangchhuak thei chauh an nih thu a sawi a.
CIETU hruaitute chuan vawikhatah tam tham takin sum fai sem chhuak thei lo mah se, YMA in mamawh a neih chuan an tlanchhe dawn lo tih an sawi ve bawk.
Champhai District Import Export & Transport
Union-te’n nimina sumfai an sem chhuah hi a vaiin Cheng Nuai 4 a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More