HRISELNA KAWNG ZAWH ZEL NAN MIPUITE THAWHPUIAH SAWM

Get real time updates directly on you device, subscribe now.

India rampum huapa khawpui fai inelna, Swachh Survekshan 2022, March thla chhunga kalpui mek denchhenin nimin khan UD&PA Department Champhai a thawkte chuan faina hnatlang an nei a. Aizawl Road leh Khankawn World Bank Road kawngpui sir te thianfaiin bawlhlawh an chhar khawm a ni.
District Urban Development Officer Champhai R.Lalnunkimi chuan, mi thenkhatin an inchhunga bawlhhlawhte kawngpui sira an paih leh mai thin chu pawi a tih thu sawiin, Champhai khawpui a lo fai leh thianghlim zel a, a chhunga cheng mipui ten hriselna kawng an zawh zel theihna tura tanlak puiah khawtlang mipui a sawm a. Bawlhhlawh paihna tur ni loa bawlhhlawh paih lo turin mipui a ngen nghal a ni. Nimin faina hnatlangah hian UD&PA Department hnuaia thawk mi 25 an thawk chhuak a, Department kaltlang hian a remchan dan ang zelin faina hnatlang neih thin a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More