Nimin khan NHM Employees’ Union Mizoram, Champhai District chuan General Body Meeting Vawi 1-na, ZNS Picnic Spot, Champhai-ah an hmang. Champhai District Health Dept. NHM a thawkte an kal khawm a, he hun hi Dr R.Lianmawia CMO chuan khuallian niin a hmanpui a, Dr Zatluanga DMS chuan khual zahawm niin a hmanpui bawk.
Khuallian Dr R.Lianmawia chuan thu sawiin, NHM staff te hi Health Dept backbone an nih avangin, an tello chuan health dept a kal thei tak tak lo tih a sawi a. NHM staff-te chu mipui tana rawngbawl an nih anga anmahnia a tha thei ang ber mipui tana hlan turin a chah bawk.
Khual zahawm Dr Zatluanga, DMS paw’n thu sawiin, District Hospital Champhai hi NHM staff tello chuan mipui mamawh phuhru tura an kal theih loh thu a sawi a, hetiang taka thawktu pawimawh an nih avang hian mahni hna a rinawm taka thawk zual zel turin a chah bawk.
Tunah hian Champhai District-ah NEUM Member mi 300 vel an awm mek a. Nimin khan kum 2022-2024 chhunga NEUM hruaitu tur an thlang nghal a. President-ah Dr RE Lalremruata, Vice President-ah Dr KT Lalrammawia, Secretary-ah PC Lalrinpuia, Asst Secretary-ah J.Laltholeha, Treasurer-ah C.Lalramengi leh Fin Secretary-ah Zosangzela te thlan chhuah an ni.
Comments are closed.