HUN TIAM CHHUNGIN KAWNG SIAM ZAWH HMAN LOH HLAU

Khuangleng leh Buang inkar PMGSY kawng siam hnathawh mek chu Vanhnuailiana Group YMA chuan huntiam chhunga thawh zawh hman loh hlauhawm khawpin hna a chak lo tih an sawi.
Nimin khan Vanhnuailiana Group YMA hruaitute, Buang Road Committee leh PWD te chuan Khuangleng leh Buang inkar PMGSY kawng siam mek chu tlawhin hnathawh dan an endik a. He hna hi B. Biakzama, Aizawl College Veng thawh niin 9.20KM biala thui kum 2018 atanga thawh tan tawh kum 2022, March thla a zawh hman tura ruahman a ni a, kawng siamna atan hian Rs. nuai 1105 ruahman a ni a. Hnathawh dan an thlirin Vanhnuailiana Group YMA hruaitute chuan huntiam chhunga thawh zawh hman loh hlauhawm khawpin hna a chak lo tih an sawi a, hnathawh chin erawh chu a tha thawkhata an hriat thu an sawi tel bawk.