Pu F. Lalrinmuana, President, SYMA Champhai chuan National Highway No. 6 kawng laih mek a Environment humhalhtu pawl nia insawi thenkhatin hnathawh tikhailak zawng a hma anla chu a tlai mah mah tawh tih a sawi.
Pu F. Lalrinmuana chuan NH No. 6 kawng laih hna thawk mek tu NHIDCL te chu hunbi tiam chhunga zo hman ngei turin kan ngen a, kawng siam hna thawh mekah 80% vel laih a nih tawh hnua Environment humhalh tu pawl nia insawi thenkhatin a hun taka hmala silo a hnathawh hnua hnathawh ti khailak zawnga hma an la chu a tlai tawh nia a hriat thu a sawi. Mipuite tan harsatna a thlen a hlauhawm thu sawiin a hun taka kawngpui sial hna thawh zawh chu Khawchhak tlangdung mipuite duhdan a nih thu a sawi bawk.
Champhai mipuite bakah Saitual leh Khawzawl mipuite pawhin kawngpui tha neih an nghahhleh thu sawiin a hun taka hna thawh zawh a nih theihna tura thuchhuah intawm Sub-Hqrs. YMA 3 in siam an tum thu leh tumah hna ti khailak zawnga harsatna siamlo tura ngenna thuchhuah siam an tum thu F. Lalrinmuana hian a sawi bawk.
Comments are closed.