IN SA LO TE PAWISA THING DAWN

Get real time updates directly on you device, subscribe now.

PMAY Housing For All (Urban) hnuaia Champhai District chhunga in sak tanpuina dawng tur te chu nimin khan kohkhawm an ni.
PMAY Housing For All (Urban) in sak tanpuina 2nd Detail Project Report (DPR) Ist Instalment dawng tur chhungkaw 613 zinga Veng 6 – Tlangsam, New Champhai, Zote, Zotlang, Ruantlang leh Ruantlang Mualveng-a mi te chu nimin khan New Champhai Community Hall-ah kohkhawm an ni a. He scheme chungchang leh hmalak dan tur te hrilhfiah an ni a. Thusawitu R.Lalnunkimi, DUDO chuan PMAY Housing For All (Urban) ah hian ₹ 1,50,000 chu central sorkar atangin in sakna atan beneficiary te’n an dawng ang a. Hemi hmang hian in an sa ngei tur a ni tih a sawi a. Hamthatna dawng zinga in sa lote chu an pawisa dawnte thin let leh an nih tur thu a sawi.
Sawrkar atanga in sak tanpuina dawng chuan, in sak ngei hi a bat leh mawhphurhna a ni, a ti a. Tanpuina pawisa dawng tawh zinga sa tha leh si lo te avangin midangin harsatna an tawh thu sawiin, an sak leh sak loh hian an hnunga midang dawng leh turte hmakhua a hril a ni, a ti a. A dawngtu tur ten an tihthat dan a zirin a hnu zela dawngtu turte tan a awlsam thin avangin, kalkhawmte chu he scheme tihlawhtling ngei turin a chah a. PMAY HFA sum hmanga in sak dan tur leh hriat tur tulte a tarlang tel bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More